|
09.03.2026
Fyrsta Rallý hlýðni próf ársinsFyrsta Rallý hlýðni próf VHD var haldið í HRFÍ þriðjudagskvöldið 3. mars og átti schaferdeild 3 fulltrúa í prófinu.
Systkinin Forynju Ísbjörn og Forynju Áminning komu sáu og sigruðu en Bjössi var í 1 sæti í Rallý 1 með 91 stig og pinna og Minning var í 1 sæti í Rallý 2 með 87 stig og pinna. Þau tóku þátt ásamt eiganda sínum og ræktanda Hildi Sif Pálsdóttur og óskum við henni til hamingju. Einnig tók þátt Miðvalla Ásynja og náði Ynja sínum 3 pinna í Rallý 1 og þar með titlinum RL-1 ásamt eiganda sínum og ræktanda Mörtu Sólveigu Björnsdóttur og óskum við henni til hamingju.
06.03.26
Aðalfundur fyrir árið 2025Þann 4. mars síðastliðinn var haldinn aðalfundur félagsins þar sem ársskýrsla og ársreikningar voru lagðir fram.
Eftir þennan aðalfund voru þrjú sæti laus í stjórn. Eygló Anna gaf kost á sér aftur til eins árs. Inn í tvö ár komu þau Kristbjörn Ari og Kristjana Guðrún, bjóðum við þau velkomin í stjórn og þökkum þeim Hildi Sif og Birgittu Olsen fyrir sitt framlag á síðasta ári. Hægt er að lesa ársskýrslu og ársreikningana hér. 
03.03.2026
Alþjóðleg Norðurljósa sýning HRFÍ 20.-22. febrúar Fyrsta sýning ársins 2026 var haldin helgina 20.-22. febrúar sl. og dómarinn að þessu sinni var Markku Kipinä frá Finnlandi.
Á föstudagskvöldinu var hvolpasýning og mættu 2 snögghærðir hvolpar til leiks. Í yngri flokki var það Dimmuspors Bomba sem varð besta ungviði tegundar og 3. besta ungviði sýningar. Í eldri hvolpaflokki varð besti hvolpur tegundar, Forynju Ljós í Myrkri. Á sunnudeginum 22. febrúar mættu svo fullorðnu hundarnir og fyrstir til dóms voru snögghærðu hundarnir. Besti rakki tegundar og besti hundur tegundar af gagnstæðu kyni varð ISShCh RW-25 VOLW-25 Rustøl’s Natz með sitt annað Alþjóðlega meistarastig. Annar besti rakki tegundar og annar besti ungliði tegundar varð Ice Tindra M Mondo. Fékk hann þar sitt fyrsta Íslenska meistarastig, fyrsta alþjóðlega ungliðameistarastig og annað íslenska ungliðameistarastig. Hefur hann hlotið staðfestingu á ungliðameistara titlinum ISJCh og óskar stjórn deildarinnar eiganda og ræktanda hans innilega til hamingju. Besti öldungur tegundar af gagnstæðu kyni varð ISCh ISJCH OB-I Ivan von Arlett með sitt annað íslenska öldunga meistarastig og fyrsta alþjóðlega öldunga meistarastig. Besta tík tegundar, besti hundur tegundar og sigurvegari tegundarhóps 1, var ISJCH Forynju Indæla Píla. Hlaut hún þar sitt fyrsta Íslenska- og Alþjóðlega meistarastig. Önnur besta tík og besti ungliði tegundar og sigurvegari ungliða tegundarhóps 1 með sitt fyrsta Íslenska- og Alþjóðlega ungliðameistarastig var Miðvalla Bára. Besti Öldungur tegundar og besti öldungur sýningar varð ISSHCH ISJCH CIE ISVETCH NORDICVCH CIB-V ISVW24 25 RVW25 VOLVW25 ISW25 Ice Tindra Liv. Besta ræktunarhóp tegundar átti svo Forynju ræktun. Þá voru það síðhærðu hundarnir sem mættu. Besti rakki tegundar og besti hundur tegundar af gagnstæðu kyni varð ISSHCH CIE NORDICCH ISW24 25 RW21 22 23 24 Ice Tindra Rocky. Besti ungliði tegundar og önnur besta tík tegundar varð Forynju Karma. Hún hlaut þar sitt fyrsta Íslenska- og Alþjóðlega ungliðameistarastig og fyrsta Íslenska meistarastig, hún hafnaði svo í 2. sæti í ungliða tegundarhópi 1. Besti hundur og besti öldungur tegundar með sitt annað Alþjóðlega öldungameistarastig varð ISCH ISJCH ISVETCH OB-I RVW25 VOLVW25 Gjósku Vænting. Besta ræktunarhóp átti Ice Tindra ræktun. Stjórn deildarinnar óskar eigendum og ræktendum innilega til hamingju með góða byrjun á sýningarárinu 2026. Einnig vill stjórn þakka frábærum styrktaraðila deildarinnar, Dýrafóður.is - Belcando fyrir frábæran stuðning. 19.02.2026
Aðalfundur 2026Stjórn Schäferdeildar boðar til aðalfunds þann 4. mars næstkomandi kl 20:00. Fundurinn verður haldinn í húsnæði HRFÍ , Melabraut 17.
Við vonumst til þess að sjá sem flesta félagsmenn. 
Deildarsýning 2026Vegna óviðráðanlegra aðstæðna þá breyttist staðsetning tvöföldu deildarsýningarinnar okkar. Sýningin fer fram helgina 9. og 10. maí nk. og verður á Víðistaðatúni í Hafnarfirði. Það er tjaldsvæði á túninu fyrir þá sem vilja útilegustemninguna þrátt fyrir breytta staðsetningu.
Dómarar sýninganna eru þeir Erik Bösl og Rainer Mast frá Þýskalandi. Báðir eru þeir þaulreyndir dómarar og ræktendur og hafa þeir dæmt á stærstu schäfersýningum um alla Evrópu. Hvolpar fra 3. mánaða aldri eru velkomnir, boðið verður uppá par og einnig verða bæði afkvæma- og ræktunarhópar. Stjórn ákvað að breyta örlítið út af vananum og verður skemmtileg útfærsla á best in show á sýningunni. Það verður auglýst frekar þegar nær dregur. Opnað hefur verið fyrir skráningu á sýninguna og fer hún fram í gegnum hundavefinn. Skráningu lýkur 24. apríl eða fyrr, ef fyllist á sýninguna. Stjórn deildarinnar hlakkar til að halda uppá þessa glæsilegu sýningu með ykkur. 
|
Nýlega uppfært: Láttu í þér heyra. Allar almennar fyrirspurnir er varða málefni deildarinnar skulu sendast á beint á ræktunarstjórn deildarinnar. Fyrirspurnum er svarað strax eða eftir næsta stjórnarfund, allt eftir eðli málsins.
Ef þú ert með ábendingu er varða rangar upplýsingar á vefsíðunni okkar getur þú sent stjórn deildarinnar vefpóst með beiðni um leiðréttingu eða fyllt út í formið hér að ofan. Við viljum heyra hvað þú hefur að segja um starfsemi deildarinnar. Láttu okkur vita hvað þú ert ánægð/ur með og komdu með ábendingu um það sem betur má fara. Allar athugasemdir og hugmyndir eru vel þegnar. Netfang stjórnar Schäferdeildarinnar er [email protected]. |
