Skráning í ættbók
Félagsmaður sem notar hund sinn til ræktunar skal vera trúr ræktunarstefnu HRFÍ. Nota í hundaræktun aðeins viðurkennda hunda og vera vel að sér um það ræktunarmarkmið sem gildir fyrir schäfer. Hér eru nokkur atriði sem hafa þarf í huga þegar farið er út í ræktun.
Sérstakar reglur Schäferdeildarinnar varðandi undaneldisdýr
Reglur Hundaræktarfélags Íslands fyrir ræktendur
Félagsmaður sem notar hund sinn til ræktunar skal vera trúr ræktunarstefnu HRFÍ. Nota í hundaræktun aðeins viðurkennda hunda og vera vel að sér um það ræktunarmarkmið sem gildir fyrir schäfer. Hér eru nokkur atriði sem hafa þarf í huga þegar farið er út í ræktun.
- Einungis er heimilt að ættbókarfæra hund hjá HRFÍ séu báðir foreldrar hans af sama hundakyni og ættbókarfærðir hjá HRFÍ eða erlendu hundaræktarfélagi viðurkenndu af HRFÍ.
- Undaneldisdýr skulu vera mjaðma- og olnbogamynduð og niðurstaða kunn fyrir pörun. Greinist hundur með mjaðma- og/eða olnbogalos D eða E verða afkvæmi hans ekki skráð í ættbók. Lágmarksaldur hunda í mjaðma- og olnbogamyndatöku er 12 mánuðir.
- Óheimilt er að ættbókarfæra afkvæmi hunds séu eistu hans ekki eðlileg. Undaneldisrakki skal hafa tvö rétt staðsett eistu.
- Undaneldistík verður að vera fullra 24 mánaða gömul fyrir pörun
Sérstakar reglur Schäferdeildarinnar varðandi undaneldisdýr
- Mjaðma- og olnbogamyndir: Undaneldisdýr skulu mynduð og niðurstaða kunn fyrir pörun. (Fyrir mjaðmamyndir gildir frá 01.11.1999 og olnbogamyndir frá 01.09. 2010). Greinist hundur með mjaðma- og/eða olnbogalos D eða E verða afkvæmi hans ekki skráð í ættbók.(Gildir frá 01.09.2010).
- Schäfer short-haired og long haired: Para má saman schäfer short-haired og schäfer long-haired, gildir frá 01.01.2012. Ættbókarfæra skal hvolpana það afbrigði sem ræktandi telur þá vera við 8 vikna aldur. Varðandi umskráningu á schäfer short-haired/schäfer long-haired, schäfer long-haired/schäfer short-haired þá þarf hundurinn að vera sýndur eftir 9 mánaða aldur á viðurkenndri FCI sýningu áður en hann er umskráður. Telji eigandi hundinn vera annað afbrigði en hann var skráður í upphafi í ættbók skal skrá hann á sýningu sem það afbrigði sem eigandi telur hundinn vera. Ef dómari samþykkir hundinn sem það afbrigði, er hægt að láta umskrá afbrigðið í ættbók.
Reglur Hundaræktarfélags Íslands fyrir ræktendur