Stjórnarfundur 12. apríl 2011
Mættir: Íris, Eva, Kata, Sturla
Fundur settur kl 19:00
Fráfarandi formaður deildarinnar, Anna Francesca, sagði sig úr stjórn deildarinnar 11. apríl 2011 vegna persónulegra ástæðna. Anna afhenti Sturlu gögn deildarinnar þann sama dag. Stjórn hefur ákveðið að kaupa kassa undir gögnin og kanna hvort ekki sé hægt að geyma þau á skrifstofu félagsins svo þau séu ekki á flakki enda hafa ýmis gögn týnst í gegnum tíðina. Kjörinn var nýr formaður, Eva Björk, en Sturla tekur að sér varaformannsstöðu auk þess að vera áfram gjaldkeri.
Umræður varðandi dómarann. Ekki hafa fengist nægilega góð svör svo hægt sé að bóka flug og auglýsa sporaprófið. Sturla ætlar að hafa samband við konu í Svíþjóð sem mun ræða við dómarann fyrir okkur. Fyrirhugað var að prófið yrði lokað en stjórn er sammála um að hafa prófið opið en Schäferhundar munu ganga fyrir. Kata hefur samband við Dagbjörtu hjá VHD til að tilkynna breyttar upplýsingar varðandi prófið. Sturla mun sækja um fyrirframgreitt kreditkort til þess að borga flugfar dómarans.
Það þarf að fara að auglýsa deildarsýninguna. Staðsetning er enn ekki ákveðin. Íris og Kata fóru upp á Nesjavelli í síðustu viku, skoðuðu svæðin og tóku myndir. Orkuveita Reykjavíkur á svæðið og húsnæðið þar. Eva Björk hefur samband við bóndann á Úlfljótsvatni sem hefur umsjón með svæðinu.
Rætt var um styrki til deildarinnar. Viðræður hafa verið við Bendi undanfarið en Kata og Sturla fóru á fund með eigendum verslunarinnar. Fundurinn var góður og er stjórn ánægð með gott samstarf við verslunina. Hún mun áfram styrkja deildina með því að greiða árgjald af léni vefsíðunnar auk þess að kaupa auglýsingu á forsíðunni. Einnig mun verslunin halda áfram að styrkja deildina á sýningum með því að gefa bikara og verðlaunapeninga. Eva Björk sendir bréf til Bendis varðandi áframhaldandi samstarf. Settar voru vinnureglur varðandi styrki. Verslanir geta keypt auglýsingapláss á forsíðu og greiða árgjald fyrir. Aðrir styrktaraðilar (fyrir verðlaunum o.þ.h.) fá stutta umfjöllun og mynd með í fréttunum. Eva Björk sendir póst á fyrirtæki varðandi auglýsingar á deildarsíðuna.
Stjórn hefur ákveðið að gera stigakerfi fyrir hunda sem ljúka vinnuprófum. Veittar verða viðurkenningar fyrir efstu þrjú sætin í spor- og hlýðniprófum. Kata tekur að sér að útbúa lista yfir stigahæsta hund í hlýðni brons.
Rætt var um gagnagrunn deildarinnar og HDAD listann. Bæði málin eru í vinnslu.
Umræður varðandi skipulagningu deildarsýningarinnar. Þurfum að skoða fjárhagsáætlunina sem gerð var af fyrri stjórn og kanna reglur HRFÍ varðandi hagnað og tap af sýningunni. Eva tekur að sér að finna fjárhagsáætlunina. Eva talar við einn af styrktaraðilum sýningarinnar, Royal Canin, og athugar hvað deildin fær frá þeim fyrir sýninguna.
Rætt var um komandi viðburði á vegum deildarinnar. Stjórn stefnir á að hafa viðburð um páskahelgina, til dæmis páskagöngu. Einnig ætlum við að skipuleggja í hundagöngu í Viðey en rekstraraðili Viðeyjarferjunnar bauð Schäferdeildinni sérstaklega. Við eigum eftir að hafa samband við hann til þess að ákveða dagsetningu. Einnig eru uppi hugmyndir um árshátíð eða bjórkvöld í haust eða næsta vetur.
HRFÍ óskaði eftir fulltrúum stjórnar á Fulltrúaráðsfund sem haldinn verður 4. maí. Sturla og Eva Björk munu mæta á hann.
Deildin stefnir á að halda sýningarþjálfun fyrir komandi sýningar. Munum óska eftir fólki í sýningarþjálfunarnefnd, áhugasamir geta hafa samband við stjórn deildarinnar.
Stjórn HRFÍ svaraði bréfi okkar varðandi niðurfellingu á kröfu um skapgerðarmat. Stjórn deildarinnar mun senda bréf aftur og óska eftir leyfi til að halda skapgerðarmat í haust. Höfum aðila í huga sem geta verið dómari og prófstjóri. Auk þess þarf að fá 5-6 manns til að starfa við matið. Stjórn sammála um að halda eigi kröfunni inni til þess að hvetja fólk til að ljúka matinu. Stefnum á að manna próf og auglýsa það með góðum fyrirvara. Íris tekur að sér að birta bréf stjórnar til HRFÍ og svar þeirra á deildarsíðunni. Bréfin má lesa hér.
Vangaveltur varðandi deildarfréttirnar, hvort þær hafi skilað sér. Eva athugar málið.
Stefnt er á að setja allar fundargerðir stjórnar inn á netið. Stjórn þarf að lesa yfir þær, samþykkja og þá getum við birt þær á netinu.
Stjórn mun áfram taka saman stigahæsta rakka/tík deildarinnar og veita viðurkenningu í lok ársins. Þurfum að taka saman niðurstöður febrúarsýningarinnar og birta á heimasíðunni.
Umræður varðandi Longhair. Stjórn mun senda bréf á Schäferklúbbana á norðurlöndunum og óska eftir upplýsingum frá þeim. Kata tekur að sér að finna email klúbbanna.
Stjórn stefnir á að boða til deildarfundar fljótlega vegna deildarsýningarinnar. Kata tekur að sér að útbúa slide show fyrir deildarfundinn. Eva mun athuga með staðsetningu og dagsetningu fyrir fundinn.
Höfum verið að skoða svæði undanfarnar vikur og viljum athuga betur tvö svæði. Kata og Sturla ætla að hafa samband við einn aðila sem gæti hugsanlega lánað okkur útisvæði hjá sér.
Þurfum að óska eftir fólki í nefndir sem getur aðstoðað við skipulagningu. Meðal annars þarf að athuga: bikara, rósettur, ritara, hringstjóra, starfsfólk, blóm, gos, grill, veitingar til sölu, veitingar fyrir starfsmenn, sameiginlegan kvöldverð deildarinnar o.m.fl.
Rætt um útlagðan kostnað stjórnarinnar. Stjórn mun leggja fram tillögu á næsta deildarfundi þar sem lagt er til að stjórnarmeðlimir geti lagt fram kvittun og fengið útlagðan kostnað greiddan. Nótur yrðu samþykktar af stjórn áður en þær yrðu greiddar út.
Stjórn vill hafa gott samstarf við ræktendur. Munum reyna að fá ræktendur með okkur í lið, til dæmis varðandi undirbúning deildarsýningarinnar.
Deildinni barst bréf í vetur þar sem óskað var eftir ráðum varðandi hundauppeldi. Stjórn tók erindið fyrir, Eva mun semja bréf og senda svar til viðkomandi.
Stefnum á að halda sumarmyndakeppni í sumar. Verður auglýst síðar.
Fundi slitið kl 23:30
F.h. stjórnar,
Íris Hlín Bjarnadóttir, ritari
Mættir: Íris, Eva, Kata, Sturla
Fundur settur kl 19:00
Fráfarandi formaður deildarinnar, Anna Francesca, sagði sig úr stjórn deildarinnar 11. apríl 2011 vegna persónulegra ástæðna. Anna afhenti Sturlu gögn deildarinnar þann sama dag. Stjórn hefur ákveðið að kaupa kassa undir gögnin og kanna hvort ekki sé hægt að geyma þau á skrifstofu félagsins svo þau séu ekki á flakki enda hafa ýmis gögn týnst í gegnum tíðina. Kjörinn var nýr formaður, Eva Björk, en Sturla tekur að sér varaformannsstöðu auk þess að vera áfram gjaldkeri.
Umræður varðandi dómarann. Ekki hafa fengist nægilega góð svör svo hægt sé að bóka flug og auglýsa sporaprófið. Sturla ætlar að hafa samband við konu í Svíþjóð sem mun ræða við dómarann fyrir okkur. Fyrirhugað var að prófið yrði lokað en stjórn er sammála um að hafa prófið opið en Schäferhundar munu ganga fyrir. Kata hefur samband við Dagbjörtu hjá VHD til að tilkynna breyttar upplýsingar varðandi prófið. Sturla mun sækja um fyrirframgreitt kreditkort til þess að borga flugfar dómarans.
Það þarf að fara að auglýsa deildarsýninguna. Staðsetning er enn ekki ákveðin. Íris og Kata fóru upp á Nesjavelli í síðustu viku, skoðuðu svæðin og tóku myndir. Orkuveita Reykjavíkur á svæðið og húsnæðið þar. Eva Björk hefur samband við bóndann á Úlfljótsvatni sem hefur umsjón með svæðinu.
Rætt var um styrki til deildarinnar. Viðræður hafa verið við Bendi undanfarið en Kata og Sturla fóru á fund með eigendum verslunarinnar. Fundurinn var góður og er stjórn ánægð með gott samstarf við verslunina. Hún mun áfram styrkja deildina með því að greiða árgjald af léni vefsíðunnar auk þess að kaupa auglýsingu á forsíðunni. Einnig mun verslunin halda áfram að styrkja deildina á sýningum með því að gefa bikara og verðlaunapeninga. Eva Björk sendir bréf til Bendis varðandi áframhaldandi samstarf. Settar voru vinnureglur varðandi styrki. Verslanir geta keypt auglýsingapláss á forsíðu og greiða árgjald fyrir. Aðrir styrktaraðilar (fyrir verðlaunum o.þ.h.) fá stutta umfjöllun og mynd með í fréttunum. Eva Björk sendir póst á fyrirtæki varðandi auglýsingar á deildarsíðuna.
Stjórn hefur ákveðið að gera stigakerfi fyrir hunda sem ljúka vinnuprófum. Veittar verða viðurkenningar fyrir efstu þrjú sætin í spor- og hlýðniprófum. Kata tekur að sér að útbúa lista yfir stigahæsta hund í hlýðni brons.
Rætt var um gagnagrunn deildarinnar og HDAD listann. Bæði málin eru í vinnslu.
Umræður varðandi skipulagningu deildarsýningarinnar. Þurfum að skoða fjárhagsáætlunina sem gerð var af fyrri stjórn og kanna reglur HRFÍ varðandi hagnað og tap af sýningunni. Eva tekur að sér að finna fjárhagsáætlunina. Eva talar við einn af styrktaraðilum sýningarinnar, Royal Canin, og athugar hvað deildin fær frá þeim fyrir sýninguna.
Rætt var um komandi viðburði á vegum deildarinnar. Stjórn stefnir á að hafa viðburð um páskahelgina, til dæmis páskagöngu. Einnig ætlum við að skipuleggja í hundagöngu í Viðey en rekstraraðili Viðeyjarferjunnar bauð Schäferdeildinni sérstaklega. Við eigum eftir að hafa samband við hann til þess að ákveða dagsetningu. Einnig eru uppi hugmyndir um árshátíð eða bjórkvöld í haust eða næsta vetur.
HRFÍ óskaði eftir fulltrúum stjórnar á Fulltrúaráðsfund sem haldinn verður 4. maí. Sturla og Eva Björk munu mæta á hann.
Deildin stefnir á að halda sýningarþjálfun fyrir komandi sýningar. Munum óska eftir fólki í sýningarþjálfunarnefnd, áhugasamir geta hafa samband við stjórn deildarinnar.
Stjórn HRFÍ svaraði bréfi okkar varðandi niðurfellingu á kröfu um skapgerðarmat. Stjórn deildarinnar mun senda bréf aftur og óska eftir leyfi til að halda skapgerðarmat í haust. Höfum aðila í huga sem geta verið dómari og prófstjóri. Auk þess þarf að fá 5-6 manns til að starfa við matið. Stjórn sammála um að halda eigi kröfunni inni til þess að hvetja fólk til að ljúka matinu. Stefnum á að manna próf og auglýsa það með góðum fyrirvara. Íris tekur að sér að birta bréf stjórnar til HRFÍ og svar þeirra á deildarsíðunni. Bréfin má lesa hér.
Vangaveltur varðandi deildarfréttirnar, hvort þær hafi skilað sér. Eva athugar málið.
Stefnt er á að setja allar fundargerðir stjórnar inn á netið. Stjórn þarf að lesa yfir þær, samþykkja og þá getum við birt þær á netinu.
Stjórn mun áfram taka saman stigahæsta rakka/tík deildarinnar og veita viðurkenningu í lok ársins. Þurfum að taka saman niðurstöður febrúarsýningarinnar og birta á heimasíðunni.
Umræður varðandi Longhair. Stjórn mun senda bréf á Schäferklúbbana á norðurlöndunum og óska eftir upplýsingum frá þeim. Kata tekur að sér að finna email klúbbanna.
Stjórn stefnir á að boða til deildarfundar fljótlega vegna deildarsýningarinnar. Kata tekur að sér að útbúa slide show fyrir deildarfundinn. Eva mun athuga með staðsetningu og dagsetningu fyrir fundinn.
Höfum verið að skoða svæði undanfarnar vikur og viljum athuga betur tvö svæði. Kata og Sturla ætla að hafa samband við einn aðila sem gæti hugsanlega lánað okkur útisvæði hjá sér.
Þurfum að óska eftir fólki í nefndir sem getur aðstoðað við skipulagningu. Meðal annars þarf að athuga: bikara, rósettur, ritara, hringstjóra, starfsfólk, blóm, gos, grill, veitingar til sölu, veitingar fyrir starfsmenn, sameiginlegan kvöldverð deildarinnar o.m.fl.
Rætt um útlagðan kostnað stjórnarinnar. Stjórn mun leggja fram tillögu á næsta deildarfundi þar sem lagt er til að stjórnarmeðlimir geti lagt fram kvittun og fengið útlagðan kostnað greiddan. Nótur yrðu samþykktar af stjórn áður en þær yrðu greiddar út.
Stjórn vill hafa gott samstarf við ræktendur. Munum reyna að fá ræktendur með okkur í lið, til dæmis varðandi undirbúning deildarsýningarinnar.
Deildinni barst bréf í vetur þar sem óskað var eftir ráðum varðandi hundauppeldi. Stjórn tók erindið fyrir, Eva mun semja bréf og senda svar til viðkomandi.
Stefnum á að halda sumarmyndakeppni í sumar. Verður auglýst síðar.
Fundi slitið kl 23:30
F.h. stjórnar,
Íris Hlín Bjarnadóttir, ritari